ما رأيكم بالاستاذ الخصوصي ونتائجه على الطالب ؟؟

يعني ياجماعة يللي عم نشفو بالمدرسة شي بيخجل ,طلاب أحيانا الواحد بيقول عيني الولد الصغير
بينطروا على أقل دقرة لحتا يتمايعوا وما بيوفروا فرصة لحتى يشوشوا على الطلاب وبالنهاية بتلاقيهم صافين على باب أستاذ
المادة قبل المذاكرة بالدور وبينفدوا حالون وطبعا عيني حال مدرسة علي يحيى تجاه بقية المدارس اللي الصف فيها بيمثل جملة مفتوحة بامتياز بيتم فيها تبادل المادة والطاقة بشكل راااائع
يعني بالنهاية سؤال بتمنى كل طالب يسألوا لنفسوا ويحتفظ بالجواب لالوا:
وين رح تكون نهاية كل هالولدنة وايمت رح نتخلص من هالتخلف ؟؟؟؟؟؟؟؟
نشاالله مت تكنوا هلق عم تنفخوا وتقولوا صرعونا
لأنوا نحنا عم نحكي لحتى نكون سوا أيد وحدة نعرف وين عم نمشي وليش ؟؟؟؟؟؟؟؟؟؟؟

شكرا لك يا هبة والله معك حق لانو عنجد شي بيخجل ومنتمنى انو تختفي هالمظاهر البشعة لانو هيدا قمة التخلف ومشان الاستاذ الخصوصي مافي داعي إلو بنوب لو متوفر الهدوء والإنتباه الشديد على استاذ المدرسة لانو بتصور الاستاذ الخصوصي مانو عم يضيف شي زيادة ولكن الفرق الوحيد هو الهدوء والتركيز في البيت الواحد مجبور يكون هادئ مع استاذو الخصوصي لانو عم يدفع مال (مع عدم المؤاخذة) ولكن في المدرسة مانو متطر يكون منضبط لأنو التعليم مجاني ولو منطلع شوي على البلاد المتحضرة منشوف العالم وين صارت ونحنا وبن اسانا.

اول شي مرحبا للكل وشكرا الك يا هبة....اول شي لازم ما نقول انو الاستاذ الخصوصي ما بيفيد او انو الواحد لازم يكتفي باستاذ المدرسة لانو بعض المواد ضروري يكون الها استاذ خصوصي فمثلا اعتبري الطالب انتبه عالاستاذ وما فهم, فيه الاستاذ يعيد الدرس من شان طالب واحد !!!!؟اكيد لا .تاني شي مو كل الاساتذة بيفهمو ....ما نحنا طلاب ومنعرف !!!!؟ومو كل واحد عندو حدا يساعدو بالبيت وطبعا هيدا رايي مع كل الاحترام لكل المشاركين

شكرا كتير يا هبة على الموضوع الرائع، ومو غريب نسمع ابدا هالحكي منك او من غيرك لانو الفوضى والتفاهة يلي عم تصير بالصفوف ((في بعض الاحيان)) مو طبيعية، وخاصة انو المهذب مع السيء مع الشاطر مع الشخص المش مهتم الكل عم ينحطوا بغرفة وحدة، وكتير ناس عم تتضرر
اما الاساتذة الخصوصي فهي شي تاني، لانو صارت "موضة" والكل عم يحط اساتذة حتى لو ماكان بحاجة، والحق احيانا مو عالطلاب الحق على الاهل يلي بيدللوا اولادهم وبيحطوا الاستاذ الخصوصي بلا ما يطلبوا من الطلاب انو يبذلوا اي جهد ليفهموا من استاذ المدرسة
لكن الكلام يلي قالوا ليث صحيص لانو احيانا كتير الطالب يمكن ما يفهم على الاستاذ يلي يمكن تكون طريقته مش مناسبة للطلاب وبالتالي ما لو الا الاستاذ الخصوصي، حتى يمكن الاستاذ الخصوصي يغني معلومات الطالب خارج الدرس لو بشكل بسيط خاصة انو الاساتذة بالمدرسة مش عم يلحقوا المنهاج حتى يطلعوا خارجه ((الله يعينون))
شكرا